Agar aap bank se related koi important kaam plan kar rahe the, to thoda ruk jaiye. Kal bank strike ki wajah se desh ke kai hisson me banking services badly affect ho sakti hain. Already Saturday, Sunday aur Republic Day ki chhutti ke baad, Tuesday ko strike hone se lagatar 4 din tak branches band jaisi situation ban sakti hai. Jo log digital banking use karte hai unhe kayda tension nahi hai but jo businesses branch ja kar RTGS NEFT karwate hai wo thoda pareshan ho sakte hai.
Kyun Ho Rahi Hai Bank Strike?
Bank employees ka kehna hai ki wo kaafi time se 5-day working system (sirf Monday se Friday) ki demand kar rahe hain. Abhi banks me Saturday bhi working hota hai, jabki kai government departments me 5-day week already lagu hai jaise ki Ministries, NABARD, RBI, LIC etc
Bank employees ka maanna hai:
- Work pressure bahut zyada ho gaya hai
- Staff shortage ke bawajood workload badhta ja raha hai
- Work-life balance bilkul khatam ho chuka hai
- 5 day banking se koi kam prabhavit nahi hoga
- UPI aur digital banking se sab sambhal jata hai
Isi ko lekar unions ne decide kiya hai ki ek din ki nationwide strike ki jaaye taaki government aur authorities par pressure ban sake.
Kal Kya-Kya Services Affect Ho Sakti Hain?
Agar strike full-scale hui, to aapko ye problems face karni pad sakti hain:
- Bank branches band ya almost non-functional rahengi
- Cash deposit aur withdrawal me problem
- Cheque clearing delay ho sakta hai
- Passbook, DD, loan related kaam ruk sakta hai
- Government banks sabse zyada impact me rahenge
- NEFT RTGS branch se nahi ho payenge
Haan, UPI, mobile banking, internet banking mostly chalte rahenge, lekin ATM me cash refill late ho sakta hai.
Kaunse Banks Zyada Impact Me Honge?
Sabse zyada effect padega:
- SBI
- PNB
- Bank of Baroda
- Aur baaki sare public sector banks
Private banks jaise HDFC, ICICI, Axis normally kam impact me rehte hain, lekin branch-level disruption ho sakta hai.
Customers Ko Kya Karna Chahiye?
Agar aapko:
- Cash nikalna hai
- Koi form submit karna hai
- Cheque ya DD ka kaam hai
- Koi urgent bank visit plan hai
To aaj hi ya strike ke baad ka plan banayein.
Thoda cash pocket me rakhiye
Digital payments ka backup rakhiye
Urgent kaam postpone na karein
Kya Ye Sirf Ek Din Ki Strike Hai?
Abhi ke liye strike ek din ki hai, lekin agar baat nahi bani, to aane wale time me aur bade protests bhi ho sakte hain. Waise ye strike 3 din ki chutti ke baad aa rahi hai to continues 4 din bank band rehne wale hai
Bottom Line
Bank strike ka direct asar common aadmi par padta hai – specially un logon par jo branch visit karke kaam karte hain. Par bank me kaam karne wale log bhi aam aadmi hi hai aur unko bhi 5 day banking ka haq hai.
